Quick links

Fikradaada ka dhiibo heestan

Suldhabaale lyrics

A/Rahman Dheere:
Xoolahaba Sumadaa
Lagu baadi soocaa

Lyrics by Masuul.com

Dadna weedha sugan iyo
Sawraca tilmaantaa
Lagu kala sifeeyaa
Anna geelba sibir godon

Kugumaan Salaamine
Sababaan Tirsanayaa

Suul Dhabaale waa hadal
Haddana waa si Gooniya

Waxan sidaa Jacayl
Aan kula sugaaye
kugu simaye iga hoo

———-
Sahra Ahmed
Cirku Sagal daruureed
Subaxdii U leeyahey

Waxa laga sugaa
Saadaasha roobkiyo
Xili Seermo waydee
Inaguna sad iyo calaf

Iyo si Alle mooyee
Ka sal gaadhney caashaqa

Sanqashaduna waa hadal
Haddana waa si gooniya

Waxan sidaa Kalgacal
Aan kula sugaayee
Naftan ma isku sidignaa.

—————
A/Rahman Dheere
Surma seegto Waligeey
Iyo waxaad saluugtaba

Labadaba ka saahidey
Adna kaama sugayee
Sanqaroor gamaan leey
Sabar geenyo ugub leey

Quruxdii Suleekhiyo
Samirkii Ayuubleey

Suuldhabaale waa hadal
Haddana waa si gooniya

Waxan sidaa jacayl
Aan kula sugaayee
Kugu simaye iga hoo

Sahra Ahmed:
San ku neef le adigaan
sadriga iyo laabtiyo

Qalbigaba ka sahansadey
Indhaha ruux aan saaroon
Kula simanba maan arag
Soomaaliya oo idil

Saami iigu muu hadhin
Adiguna iskeey sii

Sanqashaduna waa hadal
Haddana waa si gooniya

Waxan sidaa Kalgacal
Aan kula sugaayee
Naftan ma isku sidignaa