Iskilaaji:
Inanyahay dooq iyo kalgacal
ayaa igu kaa darooo
Dushaan kaa eegi jiray
Dumarna waan kugu jeclahay
Hodan:
Inkastoow doonis iyo jacayl
Dab iyo baaruud yihiin
Hadana dirqi kuma hergaloo,
Haday naftu didantahay
Iskilaaji:
Adaa door iyo habeen
Dareenkayg kula jiraa
Dantaydiina beelshee
Macaan adna ha ii darnaa
Adaan kaa daba dhacee
Hodan :
Anoo kuu deerinee
Dhibkana kuu diidanee
?
Inaana kula daadahshee
Kadaydayo meel kale
ISkilaaji
Miyaad jir dubaaxshiyo
Lahayn damiir ii damqada
Dadnimo kugu leexsaneen
Inaba ii diirnaxeen
Hodan:
Dawaar horaa tiri
Aduun waa isdaba maraa
Haduu kula dagay waqtigu
Dan iyo ceel kaama ridin
ISkilaaji:
Dunida waa waayo quree
Armuu nafsi kula dagsaa
Intuu irdahaaga dago
Adoo la ildaran jaceyl
Hadhow aan kugu digtaa
Hodan:
Dareenkayga iyo qalbigu
Waxuu igu daray mid kale
Inaan kuu soo durqo
Marna dabac ha iga filan
Ka daydayo meel kale