Heesta Dhaxyar - Lyrics
Dhexyar dhoola wacanoo
Dhaqankeena sidatoo
Dhan kastood ka eegtaba
Ilaahay dhameeyiyoo
Hibo loo dhaxaa tahay
2×
Dhismihii jacaylkiyo
Dheeftii naftaydoo
Dhinacaan ka eegaba
Dhaliil aan la haynoo
Dhamaystiran
Dhamaystiran ayaa tahay
2×
Kuma dhaafi karayoo
Dhuuxiyo halbawlaha
Adigaa dhayaayee
Dhinacaaga ila qabo
2×
Dheemanta iyo luuliyo
Dhaayahaygii baad tahay
Isha aan dhibaynoo
Dharaar iyo habeenimo
Lagu dhaygagaa tahay
2×
Dhaqanki awoowiyo
Libintii aqoontaa
Tii aan wadaagnee
Dhibka ila necbaydee
Adigaa adigaa i dhamaystira
2×
Kuma dhaafi karayoo
Dhuuxiyo halbawlaha
Adigaa dhayaayee
Dhinacaaga ila qabo
2×
Macaaneey ila qabo
Huuno ila qabo
Bilaneey ila qabo