Dhulka oo cuskaday
Roob dalsan caydhiin
Oo ugub wali dagin
Cid iyo qolo qowlka
Cowska iyo curdankiyo
Curubta iyo geedaha
Naqa wada cusaybka
Ah cidhifka isa saareen
X2
Ubax caynba cayn ihi
Caleemaha kor uga
Mudhay balan baalis
Calama leh hadba cug–
Ta xiisaha shimbiruhu
Cod faraxliyo luuqda
Isu celinayaan x2
Calcalyada xareedunaa
Ceegaagta godamada
Rahu rahu caadadiisii
Ka dhex ciyay jidhamaha
Badi labadii fiid cowl
X2
Cosobkaa ugbaadka oo
Ku cigaalan dharaboo
Subaxdii cad ceedunaa
Ku casuumtay nuurkii
Ayaad ii cajabisaa calaf
Haysku keensimo mid
Leh caano iyo nabad
Insha'allah x2
Caradaan tilmaamoo
Cawayskii gud gude
Helay saakana cawale
Soo celiyay mayaygoo
Guulaamo culus iyo
Xini caal madoobe ihi
Cirifka isu geeyeen
X2
Oo heego culay ihi
Camal hoorimad tahay
Daruuraha is curay iyo
Meexaano curashada
Caliyaha hilaaciyoo
Onkod cabatay fiintii
X2
Cabaar ruuxa daawaday
Fadka caaradiisoo sida
Bulay cad mooyee inta
Kale caqligu sixin cayn
Ka'ay u egyihiin x2
Cabiraada noloshoo
Cindigayga saan qabay
Qurux waad is celisaan
Ku cugtaye insha'allah
Calaf haysku keensimo
Mid leh caano iyo nabad
Insha'allah x2