rag iyo dumarbaanu nahee
hadaynu daryeelba hayn
miyay daawaba jirtaa
maxa naga galay danyare
hadaan duunyaba lahayn
miyay dadka naga xigaan
daahbaa aqal laga furaa
ma diracay iibsataa
daraad sheekadii ahayd
siday dusha ugu sitaan
ma neefbaa u dabraday
dardaaran haduu ka raboo jacayl
doqon uu hayaa
candhuuftaada dib u liqoo
ku diidaye soco ku dhaha
ka daa hadalkaa dibnaha
dabuubtaasi way xuntahoo
intaba waa diidanyahee
markuu darajada lahaaye
waraaq daafaha ku sidaye
waa kii dalandalinayee
diirka la isaga naxaa
ma jiir dabin soo gala
sagaal gabar iyo ninkeed
sideed dabka uga shidaan
ma diintaydaan aqoon
dadraaliyeen hadaad tihiin
dhag xumo waa laga durkaa
halka layskuma diree
u sii daaya wuu qabaa