anoo meel nabaad liyo
neecaw qabaw iyo
naxariista kula jecel
adaa gooyay nabadii
igu sheegay nacasoo
nacabkeenii weheshaday
nafsadii aan kuu huray
xiisaheenii noolaa
adaa damiyay nuurkii
noloshayda inanyahay
inaan kuu nuglaadiyo
maba karo naxuustee
ku nagaw aduunyada
nafsina kuma soo diro
anoo meel nimciyo roob
naqu uu cagaariyoo
kula raba nasteexada
adaa jabiyay niyadii
naxli galiyay caashaqa
nasiibkeenii quudhsaday
nidarkii aan kuu galay
nabdigiyo kalgacalkii
adaa u dhigay nitaaqada