hoygii dalxiiskee
haybad wacaney arabsiya
huluuqiyo galoolay
lagu mood hibaaq ka baxay
bustaamadii hargaysee
liintu hareeraha
lulanayso hoobaan
ma hungoobo caashaqu
hor ilaahay laabadii
heshiis meel u dhigataa
halabsada jacayl hodaneey
haween taan ka doortaay
hodaneey dhanbaalkiyo
hadiyadaha kalgacalkee
hawada kaaga soo diro
ma u heshaa sidoodii
mise way halaabaan
hablihii gayaankee
halqabsiga xishoodkiyo
quruxdiyo hanaankii
looga dhigay horyaalkow
markaan haybintaadii
u hubqaatay guurkaa
iigu hadal danbaysee
mar horiyo hadeeriyo
hada taan jeclaayeey
adigoon haraad bixin
waadigii hayaamee