waan ku haybinayoo
hurdo kaama ladoo
huqdaadaa i dishee haa haa haa
jacayl waa halisiyo
hawl aduun ku jirtee
haybad la'aa u dhintee haa haa haa
waa la i heloo waaba la i haya
sida haad magoolaad
kugu soo hirtaayee
nin halbawluhu dhiig
wadnuhu hawda hayee haa haa
hoobaantan lulataan
soo haabhaabnayoo
hanqalkaan la kacee haa haa
waa la i heloo waaba la i hayaa
sida halo ka reebaad
kaligay hugmaayaaa
hadhcadbaan lumayoon
ka habaabay rugtoo
la i haybinayee haa haa haa
hilaacbaa ii baxoo
wuxuunba ila hadloo
i hogaaminayee haa haa
waaa l i heloo waaba la i hayaa
sida haad magoolaad
kugu soo hirtee
nin haraad qaba oo
hogol roob arkayoo
hangadaan ahee haa haa haa
hayin gaabinayaan
hawd caleenliyo doog
hayaankii u raree haa haa
waa la i heloo waaba la i hayaa
sida halo ka reebaad
kaligay hugmaayaa