anigu marna kaama fiigo
agtaadana kama fogaado
fariimahan maanka deeqa
ogoow adi kaama gooyo
anigu fikir kuguma beero
farxadda adi kuuma diido
jacaylka intaan ka faano
maquursado fiicnidaada
adoo sama iga filaaya
fallaar daran kuguma taago
waxaan ku faqniyo xogteenna
anigu nacab uma furfuroo
wanaaggaaga ifaranoo
ma faaqido iimahaaaga
anigu marna kuma fudaydso
sidii nacab kuma faquuqo
intaan kula simo filkaaga
masoo gudo ficiladaada
anigu fajac kuguma loogo
dhibtaadana kuguma fiirsho
intaan kugu falo xanaan
xumaan hore soow ma faago
adoo sama iga filaaya
fallaar daran kuguma taago
waxaan ku faqniyo xogteenna
anigu nacab uma furfuroo
wanaaggaaga ifaranoo
ma faaqido iimahaaaga.