waxaad muqdishooy aniga
qalbiga i maroojisaa
milgiyo sharaftaadii beri
markaad magac wayn lahayd
oo aad magaalo madax
waliba mudan aad ahayd
miyaa muran laga qabaa
mudadii dheeraatay iyo
intii aan kala maqnayn
midnimadii aan lahayn
markkaan siii milicsadaa
muraaqada ciilu wado
maxaan kugu maax dumaa
mawjada igu soo furmaan
maxaan muusanaw gabyaa
murtiyo hees kuu tirshaa
inuu milaygu is bedalayoo
arimo meel la isla dhigay
ishaa kuu macalinee
madiixiyo reenka garo
man iyo ubax baan ku sudhay
hadii mayay xooganiyo
mahiigaan soo cartamo
masiibada daadku wado
misiilaha reerka iyo
intaanu maqaaqulkiyo
mareegaha kaala tagin
adoo iska moosi lahaa
muskaaga adkaysan lahaa
adoo muraaqaaga iyo
maankaaga la kaashan lahaa
maxaa muqdishooy cid kale
miciin uga raadisaa
taniyo macuuuditeed
hasaawaha meesha yaal
hadeerna malaha banaan
bal soo joogsoo i maqal
inuu ilaygu is badalayoo
arimo meel laysla dhigay
ishaa kuu macalinee
madiixiyo reenka garo
man iyo ubax baan ku sudhay