Tubeec
rugta lagu abaarsado
daranta iyo uumiga
hadaan reerka laga rarin
xoolahaa ku riiqmee
nafteydaa ku raacdee
waa rune waa rune
adna hayga roorine
Maryan Mursal
naftadaa i raacdee
iga raarideysaa
hadii ay run kaa tahay
kaa roori maayee
taladaan la ruugin
waa lagu rafaadaa
Tubeec
geel rimay ninkii sugey
raadsadey markuu dhalo
ramadkiisa maaloo
baahida ka reystaa
nafteyaa ku raacdee
waa rune waa rune
adna hayga roorine
Maryan Mursal
hawraar la raaciyo
raad malaha beentuyo
qalbigaan rigrigey bay
ruxayaan maahmaahduye
taladaan la ruugin
waa lagu rafaadaa
Tubeec
rasamaalka guurkiyo
raaxada adduunkiyo
raaliyo ninkii hela
raganimo ku faanee
nafteyaa ku raacdee
waa rune waa rune
adna hayga roorine
Maryan Mursaal
rag waa xilo-bilaaliyo
geesi ruuxa deeqee
midaad tahay rabaa oge
kala reebo faalada
taladaan la ruugin
waa lagu rafaadaa