Midab aan cadaan iyo
cawlaan ahayn oo
daymadaa cajabiyoo
lagu caajisayn iyo
waxaad tahay mas ciideed
Wali waa caruuroo
waa laan curdina oo
waxa loo carbinayaa
sida fras colaadiyo
sange loo cugtamayee
cir habeeno da’ay oo
doog iyo caleen ba leh
ama rays cagaaroo
ciiradu ka duushiyo
cosobkay la midab tee
wali waa caruur oo
waa laan curdina oo
waxa loo carbinayaa
sida faras colaad iyo
sange loo cugtamayee
cambaruudka naasaha
caaradaa madow iyo
luquntaa cabaadhka le
iyo cududaheediyo
kubabkaa is celiyee
wali wa caruur oo
waa laan curdina oo
waxa loo carbinayaa
sida faras colaad iyo
sange loo cugtamayee
Sunayaal carceere
cidhifka isla gaadhiyo
indha cawl la moodoo
caashaqa abuuraa
igu beeray cudurkee
wali waa caruuroo
waa laan curdina oo
waxa loo carbinayaa
sida faras colaadiyo
sange loo cugtamaye.