Adaa muuqa gaariyo
Midabkii dayaxa iyo
Mirihii sarraadiyo
Dahab muunaddiisa leh
Anba ubax magooloo
Maanka iga deeqiyo
Inanyahay mareer baxay
Lagu mood canbooley
Marwoo lagu hagoogtoo
Ogow magac halyeeyliyo
Waxaad tahay masuulad qaran
Mudanaysa qooraaa
Adaa muuq libaaxliyo
Haybad lagu majeertiyo
Magaciyo wardheerloo
Adigaa ragga ugu mudan
Haddii meel fagaaraa
Ay murugta xaajadu
Mur haddeey ka adagtahay
Adigaa maaareeyee
Mahad geesi loo noqdoo
Maax lala wadaagoo
Mira lala gurtaayoo
Marwo loo noqdaa tahay
Maamuus haweeniyo
Inanyahay milgiyo sharaf
Adaa qurux muggeedii
Mowlahay kusiiyoo
Anba malab da'aayoo
Maankayga deeqiyo
Inanyahay mareer baxay
Lagu mood habbooneey
Marwoo lagu hagoogtoo
Ogow magac halyeeyliyo
Waxaad tahay masuulad qaran
Mudanaysa qooraaa
Adaa mayayga roobkiyo
Sida maadha geedaha
Iyo maarki uu dhalay
Naftu kugu maqsuuddaa
Anba muxibiyo iyo farax
Naftu ay muraadday
Inaad meel lajoogtoo
Mataankeedii noqotee
Mahad geesi loo noqdoo
Maax lala wadaagoo
Mira lala gurtaayoo
Marwo loo noqdaa tahay