Heesta Dahab - Lyrics
Waxa dumarka geeliyo
Dahab looga bixiyaa
Ama doodiyo faras
Haween loo dir soocaa
Waa dawga noloshee
2×
Adna dahab la moodyeey
Saw dumar dhamaantii
Adna dahab la moodyeey
Saw dumar dhamaantii
Haween kaama daya,oo
Naftu kaama door bidin
2×
Sida daaqsin roobaad
Iyo dooga ubaxa
Kuu daawadaayoo
Kaa daali maayee
Dawooy ha iga dheeraan
2×
Amba duug jacayloo
Mudo dadandadaayoo
Gashaday naftaydana
Igu soo duxaayoo
Waa isla doonasho ilaah
2×
Caashaqaan daryeelayee
U dadaali jirayee
Caashaqaan daryeelayee
U dadaali jirayee
Durbaankiyo cayaaraha
U dabaal dagaynaa
2×
Sida daaqsin roobaad
Iyo dooga ubaxa
Kuu daawadaayoo
Kaa daali maayee
Dafloow ha iga dheeraan
2×
Marka aad darmaanyahay
Dega ida talaabada
Dhakhsadii u socotaa
Anaa dookha cashaqa
Dib usii didaayaa
2×
Daabaca xariirtiyo
Waxa tahay dun iyo shaal
Daabaca xariirtiyo
Waxa tahay dun iyo shaal
Duruuc lagu daleetiyo
Hamigaa ku doortee
2×
Sida daaqsin roobaad
Iyo dooga ubaxa
Kuu daawadaayoo
Kaa daali maayee
Dawooy ha iga dheeraan
2×
Ruuxii daryeelee
Caashaqa daneeyiyo
Daacadiima ii sheeg
Damal hadhac qabow iyo
Dugsi lagu nagaado
2×
Midkii aan dabaylaha
Dibadaha u marayee
Midkii aan dabaylaha
Dibadaha u marayee
Doondooni jirayoow
Daa,inbaa isku keen simay
2×
Sida daaqsin roobaad
Iyo dooga ubaxa
Kuu daawadaayoo
Kaa daali maayee
Dafloow ha iga dheeraan
2×