xilahaygiiyeey xushmadiyo wanaag
midii ila xariirtaay
xanaanadii naftaydaay
xilkii waan sidaa wali
xurmaan adi kuu hayaa
xiisihii kalgacalkana
xul uun baad u tahay wali
xabiibtaydiiyeey
xanafiyo wax yeeliyo
xumaan kuuma quudhee
xakamaha adkeeyoo
xaasid yuu na kala dilin
xuural cayntiiyeey
xikmad iyo asluub
XAAKIMBAA ku siiyoo
naftaa kugu xanbaartee
xusuustiina yay gu'in
xaqdhawrban kaa rabaa
xeerkii jacaylkana
xiska yuu ka bixin abid