damqashada ogoow ruux
dadka kuu xiga jira
dusha aan laga garan
inuu yahay mid kuu daran
dulucdiyo ujeedada
damiirkii waalidnimo
diintu ina faraysee
lagu kala dambayn jiray
adaa dumiyay dhaqanki
farxadiyo damaashad
ilmahaaga oo daayacan
dunidani dusheedaa
sideed ugu dul nooshoo
dadka ula cawaysaa
daryeelkiyo xanaanada
dulqaadkiyo wax garashada
daacadnimo waxaan ahay
hooyo loogu dawgalay
dugsi lagu hirtaan ahay
dambi laga xijaaboo
dulmi lagu dhaqaan ahay
loo diiday hanashada
danta loogu sahan tago
haku digan lamaanaha
dareen ruuxa kuu xiga
dookh kula wadaagoo
darin kugula seexdoo
kuu diiday lahashada
dabci lama sinaadee
dareenkii walaalnimo
duulqaadkii lahaa
adaa diiday wacadki
haduu damacu yahay halis
kuu diray lugooyada
dib miyaad la kulantaa
darajo aad lahaydiyo
xusuus aan laguu diran
farxadiyo damaashaad
ilmaahaga oo daayacan
dunidan dusheedooo
sideed ugu dul nooshahay
dadka ula cawaysa a
marwa deeqsiyaan ahay
damiirkiyo afgarashada
haduu nabarku doogsado
daawadisa heli kara
dun xariira baan ahay
deeqsiisay caashaqa
doc kastay ahaataba
hadii la isla doojiyo
dabiibkiisa heli kar a
haku digan lamaanaha
dareen ruuxa kuu xiga
darin kugula seexdoo
kuu diiiday lahashada