deegaankoo barwaaqo ah
duunyadu ku fooftoo
dareemadiyyo dooguna
darafyada ka buuxaan
daruur caafimaadbaa
dagdag iigu hoortoo
dibindaabyadaan qabo
dareen caasahaq weeyaan
duriyadii haweenkaay
daacadiyo xishoodbaa
dunidaad u sidataa
dawadii naftaydaay
dagmooy hadal dhamaystira
dadab galkeenu wuxuu yahay
aqal laba daryaale ah
dadku inay ku heesaan
dalsan ruuxa joogee
duleedkiisu wacan yahay
dookhiisu tuu rabo
dagdagbuu u helayaa