ilayn garashada haween
garaad dumar kama sinee
gambada way wada xidhaan
hadana magacooda guud
waloow ay gees ka tahay
raxmaba way soo gashaa
waxaan ku garwaaqsanaa
markii dalka loo gurmaday
la raray geediga waxqabad
go,aanka muwaadinimo
halkay gaadhsiisay iyo
waliba halgan geesinimo
xusuus aan guuriniyo
kalgacal aan abid gu,in
dalkaa gidi kuu hayee
ducada kula garab socdee
guushaadu ma naaqustoo
raxmooy geeridaadu dheer
kuwii aragtida guracan
waxyeelo ku gaysta yidhi
taniyo gulufkii ubbada
haduu guryasamo la dagay
marnaba taan gaabinee
xilkeedii gudatayee
gargaara ku caan baxadaye
adaa gobonimo sharaf
illaahay kugu galaday
ragana waad garab dhacdaa
taariikh wacan baad gashaye
amaantuna waa mid gara
xusuus aan guuriniyo
kalgacal aan abidkii gu,in
dalkaa gidi kuu hayee
ducada kula arab socdee
guushaadu ma naaqustoo
raxmaay geeridaadu dheer