qalbiyo wada jira jalkeena
dareenka is jiidadkeena
muxibo la jimiimicayna
gayiga isu jidad markeena
su'aal isu jiidh naxeena
jawaab isu oofinteena
indhaha isu jeel qabkeena
jaleeco ku ildoogsigeena
arliga wada joogisteena
jawiga daganaanshaheena
farxada isu jiibinteena
janada wada doonideena
xuskii dookh wada jirkeena
jacayl sanad guuradeena
aan jarno xuska keeg jarkiisa
ubaxba jaadjaad agteena
hareero ka joogsigeena
jookhnaan wada laydhsigeena
xidhiidh jawhara dhexdeena
muxibo wada jaasideena
waayahay hada jaaniskeena
jaldiimaha laabaheena
midkeenba kol jiibsigeena
jidiin wada qaybsigeena
nafaha isku jeexideena
midkeenba jabhaysigeena
laf iyo jiidh noqoshadeena