Dareen dhaba maad isiisid
Jacayl badan iigu deeqdid
Si daacada ii daryeeshid
Mugdiga nuur iiga daartid
Dartaa nolol baan abuuri
Dabuubtaadaan adeeci
Xilkaagaan duudka saari
Waxaad dalbataan ku daali
Dakaynay dookh wadaagnay
Dareen dawo isku ahaanay
Kal iyo laab isku dareenay
Wixii nacaba iska dayrnay
Ku doortay kuu qushuucay
I deeqday kuu dansheegtay
Sidii dayax iftiinshay
Kuu huray farxad kuu diyaarshay
Dugsiiya waan kuu nuglaaday
Darajo iyo hiil kuu ahaaday
Dushiyo dhabarka ku saaray
Waxaad diidana ku dayrshay
Dakaynay dookh wadaagnay
Dareen dawo isku ahaanay
Kal iyo laab isku dareenay
Wixii nacaba iska dayrnay