VOA A B C D E F G H I J K L M N O P Q R S T U W X Y Z

Gari Makaa Baxdaa 2 Lyrics

Wiilka:
Gari ma kaa baxdaa
Adiga ma ku gashaa
Adiga ma ku geydaa
Adiga talo ma kaa go’daa?

Gabar yahay nin baa yiri;
Ka gabyaayay caashaqa
Kalgacayl gob weeyaan
Kii nacaa gun weeyaan
Hadalkiyo godkiisee
Ma u garatay xeesheed
Mise geeddi baa dhimman?

Gabadha:
Gari ma kaa baxdaa
Adiga ma ku gashaa
Adiga ma ku geydaa
Adig talo ma kaa go’daa?

Jacayl guulle oo
Gacmo furanna lagu dhaqay
Farxad lagu gardaadshaa
Gabdho loola imaan jiray
Nin ba miraha uu guran
Geedkuu yaqaannaa
Noloshiisa waa u-gaar

Wiilka:
Gari ma kaa baxdaa
Adiga ma ku gashaa
Adiga ma ku geydaa
Adiga talo ma kaa go’daa?

Gar cadaawe sheekada
Haddii aad ku goyseen
Ood baratay gaadmada
Iyo uur-gumaarkaba
Usha xubinta laga goyn
Geel-jiraa yaqaannee
Maxaa adiga kaa galay?

Gabadha:
Gari ma kaa baxdaa
Adiga ma ku gashaa
Adiga ma ku geydaa
adiga talo ma kaa go’daa?

Godob ruuxii laga galo
Gocoshada ma daayee
Kii galayna maba oga
Gashi buu amaahdee
Gaar ba meeshuu guud maro
Gorod baa hor joogtee
Waa inoo gun iyo baar

Wiilka:
Gari ma kaa baxdaa
Adiga ma ku gashaa
Adiga ma ku geydaa
Adiga talo ma kaa go’daa?

Anigu goray haldhaa iyo
Wiyil gaaxataan ahay
Adna goroyo cawl iyo
Geri oomman baad tahay
Shinbir garab la’ baad tahay
Guuguulaha dhawaaqaa
Gabbal yaanu kaa dhigin

Gabadha:
Gari ma kaa baxdaa
Adiga ma ku gashaa
Adiga ma ku geydaa
Adiga talo ma kaa go’daa?

Gobi waxay u hoyataa
Guri nabadi taallaa
Garna waxay taqaanaa
Ka-garaabaheedii
Ruuxii sheeka kuu galaa
Haddaan hadalka laga gurin
Inuu gaabsadaw roon

Song name
-- / --