VOA A B C D E F G H I J K L M N O P Q R S T U W X Y Z

Canab la moodyee Lyrics

Seynab Cige

curaadiyo jacaylkii 
kala cagaanan jiray
ana caawa labadaba
la cawey simaayee
waxad cidhib ku leedahay
la cawee sidiisa
halka laga ciyaaree
walee ciirsigeygoow
calaf iyo wad mooyee
mid kaleba ma caashaqo

Salaad Darbi

cashadaynu kulanaa
cirka roob ka da’ayoo
cawo dhalad inaad taahay
cindigayga galiyee
sida calan keena
cadaankiyo buluga leh
cirifka isa saaraa
walee canab la moodyee
cimri iyo wad mooyee
dumar kale ma caashaqo

Seynab Cige

carabkiyo indhaha iyo
calooshaad dhex miratoo
cadaw aad ku noqotoo
hawlo aad ku curisee
kalgacaylka ciidami
cusleeyoo hub soo dheh
ana yaanu ceebeyn
walee ciirsigeygoow
calaf iyo wad mooyee
mid kaleba ma caashaqo

Salaad Darbi

sida coogankii bari 
ama ciidii jarareyd 
cirka ubax ku yaaliyo
cadarkii ka boodee
cosob geedahayoo
laga goynin caarada
carfigiisa leedee
walee canab la moodyee
cimri iyo wad mooyee
dumar kale ma caashaqo

Song name
-- / --