dhool da'ay la moodyee
waan kugu dhadhabayaaye
dharaartaynu kulanaa
dhulku ila wareegee
dhimasho iyo nololbaan
wali kala dhex joogaa
dhankii aad i marisaba
kuu dhiibay taladee
adna ha igu dheeraynoo
dhibaatadan i haysoo
ha ii soo dhawaynee
aan dhamayno xaajada
dhal wadaad la moodyeey
indhaha ku dhaygagay
dhabanada hilaaciyo
dhoola ka qosolkaagii
dhaqaaq joogsigaygaa
dhalaanku ila yaabaan
yuu ku dhaafin hadalkuye
ii dhago nuglow