Heesta Jacayl asal ah - Lyrics
jacayl asal oo la inkiri karin
ayaa i heloo la ilmeeyaa
amuur uguboo aan filaayiyo
waxaa i muuqda aayatiin wacan
inuu ku arkuu amarkiisu yahay
kama ahaan karee kaalayoo imow
aynigeeda ugub ilwaad quruxeey
anoo ku hantaan istareexi laa
sidii olol la shiday oogta waabari
ayaad u eegtoo kugu il doogsadaa
sidii ufo rooboo cirkoo onkaday
udgoonkiisii baad adigu leedahay
anfaciyo maal waxa iiga wacan
anoo ku heloo ubad kuu dhalee
irmaan geeloo arlo nabadiyo
ku nool aaranbaan adiga kaa bixin
oorkii ragow ku aaminayee
ii ahaw sidaan anba kuu ahee
ifafaalo guur iftiinle iyo
anshax iyo sharaf ishu arkaysaa