Dhacdada kuu muuqatiyo
dharaarba wixii yimaada
dhambaal weeyee bal eeg
xikmada ku dhabaabanoo
duruuftu waxbay dhigtaaye
dhibkaaga waxuun ka baro
dhamays noqon waa dadkuye
ruuxii kugu dhaadanaaya
dhexdiina wixii yimaada
dhaliil qudha ha uga tagin
Dhaqnka wacan iyo dadnimo
qalbiga adoo ku dhaarshay
samaha waligaa ku dhaado
dhaleecada ruux ku jecel
dhagxumay adna kugu tahee
dhigaa ha ku dayin xumaan
Dhugmaha garashada gartee
dhaayuhu shaygaan arkeen
aqoonta ku dhuux kaskoo
rajada dhiman kaga bogsoo
hankaaga ku dhiiri gali
wixii dhiman yeelkadii
dhadiyo roob lama simee
adoon dhalanteed u bogin
xaqiiqduna waa dhabtee
ahoow dhayalsiga qof neceb
Dhaqnka wacan iyo dadnimo
qalbiga adoo ku dhaarshay
samaha waligaa ku dhaado
dhaleecada ruux ku jecel
dhagxumay adna kugu tahee
dhigaa ha ku dayin xumaan
lyrics by Ismacil Ahmed