A B C D E F G H I J K L M N O P Q R S T U V W X Y Z

Dheeman Lyrics

sida dhibicda roobkiyo
dhool gaaxday maalmoo
dhulku simay xareedaa
igu dhalisay xiisee

sida ubax dhalaaliyo
dhirtoo rucubtu lulatoo
ishu dheehanaysaa
kugu soo dhawaadee

dhabankaagan wacaniyo
quruxdiyo dhismaha guur
igu dheere ma ogtahay

sidaan kuu dhaygagay
dhaayihi ku halacsaday
dhabtii way ilmeeyeen

yurubeey kalgacalkii

mubaarigoow jacayaylkii

dhinacaaga ka adkee

mubaarigoow jacaylkii

yurubeey kalgacalkii

marna yaanu dheeliyin

inanyahay dharaarahan
caashaqii i dhaawacay
intuu dhiiga raacuu
xididada dhex maaxee

sidaan kuugu soo dhigay
dhambaalkii aan soo diray
aniguba dhibkiisii
waan kula dhadhamiyeee

aroos aynu dhiganoo
dhisme aqal yagleelnee
ha igu dhaafin gacalooy

sida aad u dhawrtaan
dhakhso aqal galkeenii
ana uga dhursugayaa

yurubeey kalgacalkii

mubaarigoow jacayaylkii

dhinacaaga ka adkee

mubaarigoow jacaylkii

yurubeey kalgacalkii

marna yaanu dheeliyin

Queue is empty
-- / --