VOA A B C D E F G H I J K L M N O P Q R S T U W X Y Z


Raran Lyrics

Dhaxaan riyo kugu arkoo
Raacdada caashaqa dartaa
Ragoo idil kaaga go’ay
Inaan rasmi kuu helee

Dhaxaan rucla orodka jaan
Anoo run u haysta been
Rugtiina anoo ku meeray
Rakiyo meel dheer kortee

Hadaaan rucub lulatiyo
Dhul raysle ku moodi jiray
Maantaba rug abaariyo
Xagayga raran baad ka tahay

*** *** ***

Dhaxaaan kuu roorayoo
Rafaadka jacay dartaa
Ruuxdayda intaan ku siiyay
Runeeyay wax aanan haynin

Dhaxaaan kuu riyaaqayo
Anoo jidhiidhico i roortay
Dhagana kuu raaracsho
Raadkaa ii gaadhi waayay

Hadaaan rucub lulatiyo
Dhul raysle ku moodi jiray
Maantaba rug abaariyo
Xagayga raran baad ka tahay

Lyrics by Ibnu Hashi Muuse

loading..
-- / --