cirka miigaalkiisiyo
dhulka muuqaalkiisa
meel kasta aduunyada
isku mid weeyaane
macnaha arsaaqdana
mawle waa ekeyay
nolosha masiirkeeda
markii aan kuu dhiibay
midii aan filaayiyo
marwanimadaada
ma waxaad u leexisay
midku waa shisheeyee
makriga sidiisaba
inanyahay ma fiicnee
mid kale hadaad heshoo
meherkii ilawday
adigiyo macbuudkaa
midaas idiin taalaa

murtiba hadaan qaadoo
ma sahal abuurkeeda
oo macaan ku dheehan
jacayl malabkiisa
su,aashu waa ma fahmi
marwadaan ishaartee
mudacyada jacaylkaagaa
qalbiga iga mudaayo
mugdi iyo dharaarba
adaa ii muuqaanaayoo
muxuu yahay ujeedkiyo
micnahaagu inanyahay
makriga sidiisaba
inanyahay ma fiicnee
mid kale hadaad heshoo
meherkii ilawday
adigiyo macbuudkaa
midaas idiin taalaa

Exit mobile version