dhamacdii jacaylkaa
dharaarahan isidatoo
wali dhoobay dheefto
dhuunina ma qaate
waxa walina ii dheer
anoo dhowr iyo toban jira
ciro iga dhalaasho
duq dhamaaday la imoodo
intu dhuuniga ii tagay
ee dhuuxana guyaal galay
dhaqaaqana talaabada
kufin waayay gacantoo
mala dhuuntay awgaa
dholay waxaan ku sugayaa
dharaartii qiyaame
suurta ay dhawaaqde
xaqna aan la dhaafayn
sida dhool gu'yoo da'ay
dhibicdiisu badatoo
dhulka wada hadheeya
nafta uga dhignaydee
aduunyada dhibaatadu
sidan kuma dhamaate
qofna kama dhargaaye
dhab u fiirso inanyahay
axdigii dhaxdeeniyo
wada dhalashadeeniyo
marna maanad eeginee
waa waxad ka dhurataan
dholay waxaan ku sugayaa
dharaartii qiyaame
suurta ay dhawaaqde
xaqna aan la dhaafayn