adaa haybadoo haweenka
u hoodiyo haybad wacan
hanaana adaa u qurxoon
adaa ugu hadal macaan
habsamidaada i deeqday
habdhaqankana waxaad u tahay
hablaha soomaaliyeed
kuwii ugu hagaagsanaa
hal door u ahaa bulshada
hormuud lagu faanayaay
sareeyaay horumarshaay
hilaacii nuurayow
sidii hogol ii da'aay
dadkaad dadkaabad halhays u tahay
hubaashii ruux ku helay
ayaa hibashada ka tagee
ka koray hadimadiyo dhibtoo
hantaaqiyo ciil ka baxay
adaa himilada wanaagsan
dhigaa ugu hiigsi badan
halbeeg adigaa lahoo
adaan hagrashada aqoon
jabuutoo horumar gaadhay
hirkiyo dayaxana u hayaantay
hufnaantana lala cajiibo
ayaad la hal maashayoo
misana hilib kuugu yaal
hooyadii ku dhashaa amaansan
halyaygii ku korshaa hagaagsan
hoodana adigaa lahoo
hidiyo dhaqankii sitoo
qalbiga hodanbaad ka tahay
hubaashii ruux ku helay
ayaa hibashada ka tagee
ka koray hadimadiyo dhibtoo
hantaaqiyo ciil ka baxay