Kaamilooy jacaylkiyo
Ha u malayn kalgacalkani
Inaad kali ku taagtee
Anba way i karkariyoo
Way i hayaa kulaykee
Maalintaynu kulanee
Kashkii aad i saartiyo
Karaamadaad i siisiyo
Koolkoolintaadii
Laabtayda kama gu,in
Kalifiga ma daayoo
Kurbadiisu igu wayn
Kolkii aan ladnaadaba
Way igu laba kacleeyaa
Adigaa kasbadayoo
Kalsooni igu beeroo
Kaalintaan u baahnaa
Wiil i kaafiyaa tahee
Kufkaagiyo hablaha kale
Kugu doorsan maayee
Kaalayoo iskeen siiyee
Ha kobcoo jacaylkuye
Kii kabay naftaydoow
Kawnkan aan ku noolnahay
Nacab yuu nakala dilin
Ha kobcoo jacaylkuye
Caashaqu kor iyo hoos
Kaar igu abuuryoo
Kuurkuursi moyee
Socodkaba ma karayoo
Kadeedkiisu igu badan
Kaan ka doortay qayrkii
Kala baxay da,diisii
Igu kordhiyay caashaqu
Kurbo aan i hayniyo
Igu keenyay xanuun badan
Kadisbuu halbawlaha
Kaabiga u fadhiistoo
Kaftan hayga moodine
Kax baan ahay daraadaa
Amba kaama maarmoo
Kunjeer baan habeenkii
Ka kacaa hurdadoo
Kaa dayaa sariirtee
Kufkaagiyo hablaha kale
Kugu doorsan maayee
Kaalayoo iskeen sii
Ha kobco jacaylkuye
Kii kabay naftaydoow
Kawnkan aan ku noolnahay
Nacab yuu nakala dilin
Ha kobcoo ha koro jacaylkuye