qalbigayga lagu qoray
magacaaga oo qudha
qisadayda kaligaa
adi laguugu qoofalay
waxay qali xiisaha
u qaadaa hadiyo jeer
u qeexdaa dhibkeedoo
qoraal ugu samaysaa
nafta qayb ka maqaneey
waa jacayl qasbaayoo
kaa quusan waydee
rajo igu qabyowdoo
qooraansanaayaa
haduu calafku qaadana
anaa qancinaayee
miyaan kala qarsoonahay
qorax soo baxaysiyo
markii ay qarsoontana
sidii ay qardhaas tahay
adaa qoorta ii sudhan
adaan kugu qarwaayoo
nafta waad qufulatee
riyay igu qabyowdaa
maxaan kaaga quustaa