dhulka oo barwaaqa ah
baadkii intuu baxay
balidiyo jidhaamaha
dhulka biyo ku soo rogay
bilicdaa il qabashadu
kama baaqi noqotee
bildhaan qurux wanaageey
waan kuu busaylee
baryo aragtidaadii
naftu baadi doontee
burcadii biknaydeey
boholuoobay awgaa
baladkii samaayee
boorama hargaysiyo
xeebtii berbera ee
boodhari ku aasnaa
bari iyo sanaagiyo
sool baalaheedaay
badhtanka u ahaydee
lagu wada badhaadhaay
boqolaalkii taariikh
bandhig u ahaydee
bashir lagu barbaarshaay
oomaar ka baaqaay
bir ma gaydadaa kacay
nafta waxay u bixiyeen
badbbaadada dalkoodee
bilowgii xoriyada