waxa dumar uunka jira
midii aan ka doortaay
naftayda ku aaminaay
markay arimuhu murgaan
midaan aragtideeda qudha
dhibkaba ku ilaawayaay
indhaha adigaa u roon
qalbiga adigaa ku yaal
agtayda adaa ku wayn
kuwii isku waarayee
awlaad wacan kala helee
ifka nolol fiican hela
aakhiro janadii kuwo daga
ILAAHAY ha inaga dhigee
aamiinta badi
asluubtiyo edabta wacan
aqoon badan hooyadaa
ayaad ka hidaysatayoo
ishaa kuu marag kacdoo
inaad tahay ehlu khayr
dushaadaa laga arkaa