Heesta Isma oran - Lyrics
Isma oran axadbaad socdaal gali
Isma odhan isniinbaad dalxiis tagi
Isma oran inanbaad ku caashaqi
Amarkaagu badanaa ALLAHAYOW
aroortii talaadada
aqalkii aan ku soo dagay
Anoo taagan irida
Ee caafimaad qaba
Sow ubax la mood daran
Sow ma marin agtaydoo
Sow iftiinkii imuu qaban
Sow eegmadeedii
Mudo kuma aloollayn
Indhu libiqsi waayeen
Afka hadal kamaan odhan
Oodiibaan ku laabayoo
Is ilaawayoo iska raacay gabadhii
Ilayn jacaylku kaa adag
Hadaad aaminow tahay
Ilayn ogolku waa balo
Igadh lama salaaxee
Inyar laguma maalee
Ilaysiyo oog ii baxaad tahay
Aqligiyo aqoontaydiibaad tahay
Indhahayga aragoodiibaad tahay
Inanyahay ogsoonow kumaan odhan
Arbacada habeenkii
Arinkii ma uu noqon
Aboowe iyo abaayo iyo
Is afgarad ma uu dhacan
ALLE mahadii weeyee
Meherkiyo arooskii
Sow khamiistan ima odhan
Sow aramigaygii
Jimcihii aroortii
Ooridaydii may noqon
Sabti aqalkii maan galin
Mudaan aamusnaayoo
Abshiraystay gabadhii