waa laba is caashaqay
is cugtoo iskala baxay
caro edeg dadkaa nool
laba weeyi calafkiyo
isku cugay nasiiboo
dareen caashaq wada helay
isu ciirsi noqoshiyo
calmashiyo lamaanaha
is cisayn ku wada jiraaye
ubad iyo caruur
deeqiyo arsaaq
CAADIL ha idin siiyee
cindiga kala wada farxoo
caawadoodii weeyee
u ruxaay u ruxa ubax iyo caleen u ruxa
waa laba carshiga sare
calafkooda laga qoray
oo ladnaan cawaysimay
waa laba calool sami
kalgacayl ku curayoo
is xaqdhawr ku caanbaxay
gobaa caashaq dhaxashee
sidiina cawiyo sharaf
cidhib yeesha beertee