Dhaaxaad is sidatoo
Aduun kuu samraayoo
Nafta kugu sasabayee
Dhaxaan sir iyo caad
Wixii aad samaysaba
U sacaba tumayee
Ogoow samirkii waa jiray
Waa seeto goostayo
Sadkiisaa dhamaadee
In suldaanku boqor yahay
Fiqiirkuna sabool yahay
In sibraar mugii yahay
Oon saa,id lagu darin
Ila garo saluuglaay
Dhaaxaan samaayoo
Sixin iyo ahaa malab
Kuu yaal sintaadee
Adiguna saluuglaay
Saadaasha khayrkiyo
Luminaysay saacee
Ogoow samirkii waa jiray
Waa seeto goostayoo
Sadkiisaa dhamaadaye
Inuu samirku waca yahay
Salfudaydna daal yahay
Inay siigo boodh tahay
Saxansaxo udgoon tahay
Ila garo saluuglaay
Inanyahay sidaadaba
Marka hore salaan hoo
Oo waliba sooryo ah
Waa inaan ku siiyaa
Marka xiga sirteenii
Saadaashu wadatee
U sacaba tumayee
Seetada lahaydee
Aan ku xidhay sibraarkee
Ku qufulay sanduuqee
Muftaaxeegii suubane
Saablayda hoosiyo
Bogada ibtoodiyo
Wadnahaaga aan sudhay
Sawdigan ka saaree
Durba siiyay ruux kale
Sadarkaasi ii xidhan
Midna socoto weeyaan
Waa badi sirtaydiyo
Waxa aan ku suganahay
Waloow aad i sidatoo
Mudo ii samraysoo
Ii sama falaysoo
Sal ma dhiga ka wacan tahay
Sidaad maanta yeeshiyo
Saanaaanka muuqdaa
Kaa siisan maayee
Waa maxay saluuglaay
Sakalaan is dhaafsaday
Sideebuu xaalku kaa yahay