Garqaado jacaylyaho
Aan gamee i daayoo
Garbaduub ha ii xirinee
Iga siib gantaalaha
Ama taan u go’ayee
Naftu gacalka mooddaa
I guhaadinaysee dhibkaan qabo bal gaarsii
Garqaado jacaylyahow
Gayi laga hayaamiyo
Gari go’an salkeediyo
Gamaahiira ha i dhigin.
Ama taan u gaystee
Aan gudayn abaalkaa
Cidla iiga guurtee
Dhibkaan qabo bal gaarsii.
Garqaado jacaylyahow
Guri hayga dhiganoo
Guudka ha iga rarinoo
Ciilka ha igu gaagixin.
Ama taan u gaystee
Aan gudayn abaalkaa
Cidla iiga guurtee
Dhibkaan qabo bal gaarsii.
Axmed Cali Cigaal