Xaliimo:-
afar iyo tobnaad iyo
dayaxii aduunkoow
Axmad:-
iftiinkii arooryo iyo
cadceedii aduunkaay
Xaliimo:-
markaan ku eegaba
indhahaad u roontee.
Axmad:-
anna aragtidaadaa
iimaanka deeqdee
Xaliimo:-
amaantaada inanyahaw
inyarbaan ka sheegee
maxaan kugu idhaahdaa
Alaa ku dhameeyee.
Axmad:-
amaantaada inayahey
inyar baan ka sheegee
maxaan kugu asteeyaa
alaa ku dhameeyee.
Xaliimo:
Sidii oogta waabari
ilayskii aduunkoow
Axmad:-
sidii ubaxa beeraha
udgoonkii aduunkaay.
Xaliimo:-
wixii uurka kaa gubey
afka lagama dhawree.
Axmad:-
Ruuxii ibtilo qaba
lama aamusiiyee.
Xaliimo:-
Amaantaada inanyahaw
inyar baan ka sheegee
maxaan kugu idhaahdaa
alaa kuu dhameeyee.
Axmad:-
Amaantaada inanyahay
inyar baan kasheegee
maxaan kugu asteeyaa
Allaa kuu dhameeyee.
Xaliimo:-
Sidan kuu ogsoonahey
amaankii aduunkoow.
Axmad:-
sidaan kuu aqoonsanahay
asluubtii aduunkaay.
Xaliimo:-
Aadaniyo Xaawaa
dhibta lagu abuuree.
Axmad:-
Iyagaa jacaylkii
u adkeeysan waayee.
Xaliimo:-
Amaantaada inanyahaw
inyar baan ka sheegee
Maxaan kugu idhaahdaa
Alaa kuu dhameeyee.
Axmad:-
Amaantaada inanyahey
inyar baan kasheegee
maxaan kugu asteeyaa
Alaa kuu dhameeyee.
Xaliimo:-
anigaa is keeniye
ugaaskii aduunkoow
Axmad:-
inagay is aroosiye
ayaankii aduunkaay.
Xaliimo:-
Araweelo iibixi
Anaa kuu ogolaadee.
Axmad:-
Odeey Biiqey igu sheeg
anba kuma Ilaawine.
Xaliimo:-
Amaantaada inanyahaw
inyar baan ka sheegee
Maxaan kugu Idhaahdaa
Alaa kuu dhameeyee.
Axmad:-
Amaantaada Inanyahey
inyar baan ka sheegee
maxaan kugu asteeyaa
Alaa kuu dhameeyee.