dadkoo waday lignaaday
lurtii caashaqa ladaabtay
lix ilaa lix lamadooday
sidii la ii helay liciifay
awood li'i gees u liicay
hadaan labka kaa dhex eegtay
kaliyo laab kuu jeclaaday
lilaahi xogtii ku siiyay
inaan liitana ogaatay
laxawga ka baaji maanka
ha leexane ii fur laabta
ha liidine laaska caashaqa
ila durduuro liibaanow
labiyo toban kaa horeeyay
dhibta labanlaabna sheegtay
dhamaantood waan ku laaday
jacaylkana waaban laalay
gayaan taan u laab furnaaday
siday anba ii lug goysay
siday ladhka iila doontay
siday laxaw iigu beertay
haween iyo lahashadooda
lubiga waataan ka gooyay
hasoo lalinoo ha laacin
nimaan soo laabanayne
lamaane ka raadso uunka