Qamaray jacalyku
quraan layska saariyo
wax ka qabasho leeyahay
Qudhii qays markuu jaray
layla qolka galiyaaba
hore looga quustee
Qabuuraha inaan galo
haatan ii qorsheysee
Inaad iga hor keentee
waa inoo qiiyamaha
Dhulku kala qaboobe
meelan qaxar lahayniyo
bidhantii qoryooley
qaadir kugu abuuryeey
indho qabad wanaagey.
Sida roob qayoodoo
qaboonada intuu da’ay
dhirtu wada qarsoontee
Qaybisay midhaha iyo
lagu soo qamaamoo
qool baxay la moodyey
adigaa i qoomoo
qancimaayo jeeraan
isu qayb ahaaniyo
quwad aan waadaagnee
Dhulku kala qaboobe
meel aan qaxar lahayniyo
bidhantii qoryooley
qaadir kugu abuuryeey
indho qabad wanaagey