Heesta laqanyadii jacaylka - Lyrics
Laqanyadii jacaylkaa
Sida laan dabayleed
Wadnahayga lulaysoo
Waa laygu kacayaa
Labad baa i haysoo
Ma ladoo habeenkii
Markaan laamadoodaba
Adigaa igu soo ligan
Leelalka caashaqu
Waa ii laaban yahayoo
Wali aniga ima labin
Laydhiisu ima qaban
Ma lagdamin habeen qudha
Ima liqo sidii xuud
Ima loolin sida halaqaa
Ladnaan baan ku seexda
Lalabay baxaayoo
Labilabi sakaarada
Kuma gaadho liigsiye
Waan libin jaleecdaa
Aaryahoow libaaxee
Miciyaha lisanayee
Oodaha ka lalayaa
Wali layli baan ahay
Ana kaama laastoo
Ishu libiqsi diidoo
Waxay kaaga lulataa
Sida leebka qaansada
Ladhna iguma oogno
Laabtu ima hurin
Sheekada ma laasimin
Tobon iyo lixbaan jirayeey
Hay lurin anoo ladan
Sidii layla hay badin
Haygu laalin geedsare
Hay lumin sidii qays
Haygu laakimoono
Leexada ha igu qarin
Laan gabi ku taaliyo
Hashu laaca aragtaye
Laagu uma muuqdee
Laanyare ayaa tahay
Timoladin lidkood ladan
Waxaan nahay lab iyo dhedig
Ifka la isku uumoo
Wada laacdamaayee
Laqdaba iga diidee
Isku kay lifaaqdee
Laba ha isku baratee
Lali lali ma tahayoo
Liishaan ma badisaa
Lugtaad adigu qaadaba
Waan kugu lamaanee
Laba ha isku baratee
Fardo la isku fuulaba
Miyaa la isku faanshaa