layaab anigaa la nool
lurkana anigaa u jeeda
labkana anigaa u liitaa
libkii anigaa nasiixay
maxaan laamiga istaagay
laydhkana anigoon u jeedin
maxaan kolba layn fadhiistay
layaabay naftayda laaxshay
ladh iyo iga daa dhibaato
ladnaanta ha igu eedin
miyay labin kula ahaatay
liciif iyo hadal yaraanta
inaan kaligay u liico
la yaab anigaa lumaaya
laxaadka anigaa wareershay
laftana ka jaboo ilmeeyay
laxawga caashaqa karkiisa
miyaan la wareeray waayo
la seexdo la asqoobay
intaan labiskii ilaaway
maxaan kolba luuq isduubay