inanyahaw humaagaaga
aragiyo horjoogaaga
hiyi kiciyay laabtayda
hanashana qalbiga deeqay
adigaa hurdee maanka
naftan kugu hadaaqaysa
way kuu hilowdaaye
qof dartaa u hawshooday
hadimiyo lur ha u gaysan
siduu ii halaakeeyay
haduu heeryo kuu saaro
kugumaan haleeyeene
niyadan kuu heelan
iyo hano quluubtayda
inkastoon halkaadiisa
caashaqa hamuuntiisa
wali qabo haraadkiisa
hoo ku shida dareenkayga
anigoon hurayn goorna
naftu kay u heesayso
hamigiyo go'aankayga
waxa ii hir gali waayay
habrashiyo xishood weeye