Yartii dheehiyo dhalaalka badnayd
Midabka dhabankeedu dhiinka ahaa
Dhexdaa kaligii dhamayska ahaa
Dhamaan xubnaheedu dhiibka ahaa
Anaa la dhaxoo jacayl na dhex yeel
Yartii dhayalsiga dharaar calfate
Dhalaanka ka siisay geel dhab ahee
Dhediga lama dilo dhaqmaadka ahee
Dhaaxaad dhudhumada dhackaal jabisee
Dharbaaxo ka raysay dhabankii
Dhiigii kama da'oo dhafoorada oo
Dhaaguhu ilmo dhibic masiiyaane
Shalaa dhaxaniyo ku dhaaftay cidlada
Maantooy dhaayuhu ku dhaygagayaan
Kadaa dhugashada dhadhabada lehee
Ninkay u dhaxdaw maad dhaqane
Calafka dhacayba dhaliisha le
Adaa ka dhaqaaqayoo dhigay
Ku dheeshoo dhool anaa helay
Nafsaad dhaxashee dhabada qaad
Ku dhoofsaday maaha waan ku dhaxlo
Dhaqaale ma gooyo dhool dumaree
Dhibkay mudatiyo dhaashay sidataba
Anaa dhawriyo dhexda u xidhan
Anaa dhayi dhaawacii hore
Anaa dhaafsiin dhigeed dumar
Anaa u dhigan aroos aan wali dhicin
Na dhaaftaye horayba dhaaf