Hadii qiimiyo haween
Quruxda lagu dooran jiray
Adigaa ugu qaayo wayn
Dhismaha qotonkee jidhkiyo
Dhexdiyo labadaada qaar
Sankaa qoran iyo indhaha
Cabaadhyaha qoorta sudhan
Anigu qarnigan ma arag
Horona loogama qisoone
Sidii qorax soo baxdaad
Qayrkaa uga muuqataa
Aadbaan ugu qanacsanee
Miyaynu qaybsami karnaaye
Mankiyo ubaxii qarxee
Dhirtiyo laamaha qabsada
Indhuhu soo qaban ogaa
Siduu QAADIR kuu unkiyo
Dabeecada qaaliga ah
Ayaa qalbigii godloo
Asluubtaa qaadatee
Intii sharaf kuu qarsoon
Naftaa ku qabawsatee