Raali labo iska ah
rasmina isku jecel
rubadadoodoo u riyaaqa
reer iney dhistaan
iyagoon rumeyn
raran la dhex dhigoo
dareen lagu ridoo
midba rakaa u baxay
Raxmadlow jaceylka
oo yara ribadey
raad gooboo
raacdadii hayoo
rogaal celinsinkii
rajo weyn ka qabo
raadin jiraan aheyne
Inagoo is rabnoo
ruuxa isu bixin
rar baa ina dhex tiilaye
inaan riixno rooneyde
sida runta ah
qalbiya isku rixin jiraa
isku reemo waxba
raad raadan meynee
rogomnoo ra’yigeenii
ku yara raagnoo
kala reysan weyney
Ramad wada dhankiyo
laba raaxo jecel
isku raacey waa
ra’yigoodii ahaa
raas iney noqdaan
misna aan rumeyn
kala raaga oo
rafaad iyo dhibkana
aan ka roori karin
isba raadinine
midba rako u baxay
Ris caleenlehiyo
reexaan udgoonoo
dhirta rucuba
miro ka raaracaan
roobna uu ku da’ay
rugtaa iney degaan
ku riyoodaan ahayne
inagoo is rabnoo
ruuxa isku bixin
rar bey ina dhex taalaye
iney riixno rooneydee
Rurumadii markuu arkuu
sidi roobkuu
kalgaceyl i raxleeyey
u riyaaqe reyreyna
rogomnoo rayigeenii
ku yara raagnoo
kala reysan weynayee
sidii roonba
raga rarantoo
waayo rilan rigantee
dhalanteed rida horee
rogomnoo rayigeenii
ku yara raagnoo
kala reysan weynayee
Ha dhabqinin
ciyaartii dhaqankaaga
ku dhaadan lahayd
dhaliilna ka dhowr
dhaanta aan wada dheelno
dhinacyada isa saarnaa
caawa inoo dhabowdaye