inkastoon gu'yaal
garabkaaga taagnaa
sow garaadku ima odhan
caashaqbaa ka guur
adigoo gafaad
ii garaab i leedahay
anoo kuu go'aad
hadba galinba cayn tahay
anoo guur u jeedaad
adna gaabsi jeceshay
ha i gayn huteelada
ha i galaafanoo
ha i seejin gabadhnimo
markaad iga gun gaadhana
durba gooso ha i odhan
inta gabadh xishood
edeb lagu galadayee
guur waydayee
ragu galaafka baday
idinkaa gafiyo
waxaad gaysataan
ama aad gudaan
marna kama garaabine
dhaqan guurku idinkuu
ragow gaar idiin helay