Hadaad nasabeey kalgacal
Nolosha ila qaybsanlayd
Sidii waxaan noqon lahayn
Naf qudha oo laba jidh le
Marbaan wada neefsanlayn
Marbaan wada nuuxsanlayn
Marbaan wada nuugilayn
Haduu nabar kaa damqado
Axbay odhanlayd niyadu
Kashaad ii nuujinlayd
Dareen naxariis watoo
Nabdiga quustiyo sahwiga
Nadaabada weheshadaad
Naruuro ku soorilayd
Hadaad niyadiyo qalbiga
Nasteexa ku habi lahayd
Sidii nudayaal is xiga
Ayaanu nolol qaybsanlay
Sidii dhul nabaad ku yaal
Mar waan kugu nuursan laa
Kashaa kugu naaxilayd