Ifka intaan ku noolaa
Indhahaygu may arag
Abuurtaadanoo kale
Ayaantaynu kulanaa
Eebada kalgacalkuna
Oogadayda saaqdoo
Ililaha dareenkuna
Idileey aduunbay
Ehel kaa dhigtaano
Ma ogtahay afkayguba
Amaantaada mooyee
Eray kale ma sheegoo
Naftaa ku ogolaate
Waa ayaamo duniduye
Aan ku istareexnee
Ooridayda maad noqon
Ubax dayrtii baxayoo
Aragtida u roonoo
Aadmigu jeclaystiyo
Waxaan kugu asteeyaa
Ilayskii cadceedoo
Agagaarka beerkiyo
Wadnaha oogadiisaba
Idileey aduunbaa
Unugyada waraabshoo